Explicación: as galaxias de Abell 2666 están ben afastadas da Vía Láctea, a uns 340 millóns de anos luz de distancia cara a constelación de altos voos Pegasus. Enmarcado nesta imaxe telescópica definida, as fermosas galaxias do cúmulo aparecen reunidas por tras das estrelas esparexidas e con puntas da Vía Láctea. No centro do cúmulo está a xigante galaxia elíptica NGC 7768, a galaxia central que domina o cúmulo. Cando se forma o cúmulo, pénsase que esas galaxias masivas medran pola fusión de galaxias que caeron ao través do pozo gravitacional do centro do cúmulo. NGC 7768 probablemente alberga un burato negro supervasivo, algo típico das galaxias dominantes dun cúmulo. Á distancia estimada de Abell 2666, este recadro cósmico abarcaría uns 5 millóns de anos luz.
Rematamos a xira galega das charlas do APOD do último ano en Pontevedra e Santiago de Compostela.
