Explicación: era este un ceo para amosarllo aos cativos. Con todo, os tres nenos, os tres planetas, a Lúa, unha estrela, un avión e unha nai captáronse todiños nunha única fotografía preto do Great Salt Lake en Utah (EUA), a comezos de setembro de 2005. Menos o avión e o cuadruplete do chan, esta cuádrupla coincidencia celeste puido ollarse a semana pasada por todo o mundo. O obxecto máis sinxelo de enxergar é a Lúa, crecente, que claramente é o obxecto máis brillante do ceo na imaxe publicada. Venus é o planeta máis alto do ceo, con Xúpiter á súa dereita. A brillante estrela Spica completa o cuadruplete xusto por baixo de Venus. A raia no extremo dereito é un avión. Mamá esta sentada. O avó, aprezando a fermosura do momento, tirou a fotografía. Esta semana, o ceo anterior ao mencer amosa unha conxunción parecida de planetas.
Cuadruplete sobre o Gran Lago Salgado
