Explicación: ollando ao sur desde unha altitude de 400 quilómetros, esta espectacular instantánea desde o espazo atopa as luces brillantes de Tokio e as cidades do Xapón central e meridional, o planeta Terra brillando cara o alto ao través das nubes rotas. A perspectiva espacial captouna o xullo pasado o astronauta Scott Kelly durante a súa estadía a bordo da Estación Espacial Internacional. As franxas delgadas de luminiscencia seguen a curpa do escuro limbo do planeta, mentres que máis alá están as estrelas da constelación Centaurus e o ceo meridional. As naves espaciais Soyuz (abaixo) e Progress atracadas, cos seus paneis solares estendidos, posan no primeiro plano. Kelly voltou ao planeta Terra esta semana trala súa misión dun ano no espazo.
