Únete á nosa canle de Whatsapp
Explicación: unha das galaxias máis brillantes do ceo do planeta Terra é semellante en tamaño á nosa propia Galaxia Vía Láctea: M81, grande e fermosa. Esta grande galaxia espiral pode atoparse cara a constelación setentrional da Osa Maior (Ursa Major). Esta imaxe magnificamente detallada desvela o núcleo amarelo brillante de M81, os brazos espirais azuis e os extensos corredores de po cósmico cunha escala comparable á Vía Láctea. Dando a coñecer un pasado desordeado, un corredor de po destacado discorre dereito ao través do disco, á esquerda do centro galáctico, ao contrario doutros trazos espirais prominentes de M81. O corredor de po errante pode ser o resultado persistente dun encontro achegado entre M81 e a súa galaxia compañeira máis pequena, M82. O exame das estrelas variables de M81 produciu as mellores distancias determinadas para unha galaxia externa; 11,8 millóns de anos luz.
