Explicación: na noite do 12 de agosto, este brillante meteoro das perseidas reluciu sobre o volcánico monumento nacional do cráter Sunset, Arizona (EUA), planeta Terra. A súa cor inicial, raiando ao longo da Vía Láctea de verán, probablemente se debe á característicaalta velocidade dos meteoros desta chuvia. Os meteoros das perseidas, que entran a 60 quilómetros por segundo, son quen de excitar a emisión verde dos átomos de osíxeno mentres pasan ao través da tenue atmosfera a altitudes elevadas. Tamén característico de meteoros brillantes, esta perseida deixa un persistente tren, visiblemente brillante. A súa evolución pode ollarse durante unha secuencia de tres minutos (de esquerda a dereita) que abarca desde o fondo do cadro. A cámara captou ao final un emocionante vídeo secuencia da cola retorta e á orza.
