Explicación: que atopará a sonda espacial Juno da NASA cando chegue a Xúpiter o vindeiro luns? Moi pouco, se Juno non sobrevive á Inserción na Órbita de Xúpiter, unha serie complexa de operación nun contorno descoñecido xusto por riba do cumio das nubes de Xúpiter. Se ten éxito, como se explicaba no vídeo publicado, Juno precipitarase ao redor de Xúpiter, pasando máis preto que calquera outra nave espacial anterior. O obxectivo é decelerar, entrando nunha órbita moi elíptica, e comezar dous anos de operacións científicas. Os obxectivos da misión científica de Juno inclúen o cartografado da estrutura fonda do planeta, determinando a cantidade de auga que hai na atmosfera de Xúpiter e explorando o seu potente campo magnético e como crea este as auroras ao redor dos seus polos. Estas leccións prometen axudar á humanidade a comprender mellor a historia do noso Sistema Solar e a dinámica da nosa Terra. Juno está impulsada sobre todo por tres grandes paneis solares, cada un do tamaño dun camión pequeno. A misión planificada da Juno, lanzada en 2011, orbitará ao xigante xoviano 37 veces despois das que, evitanto contaminar a Europa con microbios, dirixirase directamente amergullarse na grosa atmosfera de Xúpiter, onde se destruirá e fundirá.
GCiencia realiza unha reserva expresa das reproducións e usos das obras e outras prestacións accesibles desde este sitio web a medios de lectura mecánica ou outros medios que resulten adecuados a tal fin de conformidade co artigo 67.3 da Real Decreto - lei 24/2021, do 2 de novembro // Auditado por GFK
