Explicación: que é iso do ceo? Unha aurora. Unha gran burato coronal se abriu o mes pasado, uns poucos días antes de que se tirase esta imaxe, guindando unha nube de electróns, protóns e ións veloces cara a Terra. Parte desta nube impactou coa magnetosfera da Terra e resultou en auroras espectaculares que se ollaban en latitudes setentrionais elevadas. Aquí publícase unha cortina auroral particularmente fotoxénica captada por riba de Tromsø (Noruega). Para o astrofotógrafo, este brillo verde escintilante de osíxeno atmosférico recombinándose semellaba un gran dragón, pero séntete libre de compartir o que che parece a ti. Aínda que xa pasou o máximo solar, o noso Sol segue a amosar ás veces actividade creando auroras impresionantes na Terra visibles aínda a semana pasada.
