Así foi ensamblada a Estación Espacial Internacional

Créditos da animación: NASA‘s Johnson Space CenterExplicación: vén sendo o obxecto máis sofisticado e grande construído nunca antes fóra da Terra. Levou numerosas viaxes espaciais e unha década construíla. A Estación Espacial Internacional (ISS) é na actualidade o primeiro hábitat para humanos en órbita terrestre e unha amalgama de sofisticados laboratorios en órbita que examinaron de todo desde a formación de materiais novos e medicinas creadas en microgravidade, polas limitación do corpo humano, ata a composición do Universo. Este mes, a ISS (siglas en inglés para a EEI) está a celebrar os seus 15 anos de residencia humana continua. A ISS foi visita por astronautas de 15 países ata o de agora e ten socios internacionais liderados por NASA (EUA), Roscosmos (Rusia), CSA (Canadá), JAXA (Xapón) e ESA (Europa). Aanimación publicada amosa a construción peza por peza da ISS desde 1998 ata 2011. AISS, que abarca a lonxitude dun campo de fútbol, pode ollarse como unha punto estrañamente brillante vagando paseniñamente no máis alto por calquera que saiba cando e onde mirar.