Créditos do vídeo: NASA, Johns Hopkins U. Applied Physics Lab., Southwest Research Inst.
Explicación: velaquí está Plutón. A nave espacial automática New Horizons da NASA está agora máis alá da órbita de Neptuno e chegando rápido ao mundo sen explorar máis famoso do Sistema Solar. O vídeo secuencia publicado amosa a Plutón e a súa meirande lúa, Caronte, orbitando o seu centro de masas común en 13 fotogramas tirados entre o 12 e o 18 de abril. Aínda que borrosas, as imaxes do vídeo rivalizan xa coas mellores imaxes de Plutón tiradas ata o de agora desde a Terra. A New Horizons fica co plan de pasar a fume de carozo o afastado planeta anano o 14 de xullo.
Achegándose a Plutón
