Explicación: que estraño mundo é este? A Terra. No primeiro plano da imaxe publicada están os Pináculos, penedos raros en forma de agulla do Parque Nacional Nambung en Australia Occidental. Feitas de cunchas de mares antigos (calcarias), como se formaron estas agullas pintorescas de tamaño humano segue a ficar no misterio. No fondo, xusto o pasar o final do Pináculo central, está un brillante crecente da Lúa. O pantasmal brillo ao redor da Lúa é sobre todo luz zodiacal, luz solar reflectida polos grans de po que orbitan entre os planetas do Sistema Solar. Na parte superior cruza arqueándose a banda central da nosa galaxia Vía Láctea. Poden ollarse moitas estrelas e nebulosas famosas no fondo do ceo nocturno. A panorámica publicada de 29 paneis tirouse e compúxose o setembro pasado tras un plan polo miúdo que envolveu á Lúa, as agullas de rocha e as súas correspondentes sombras. Aínda así, a potente luz zodiacal foi unha agradable sorpresa.
