Explicación: a Vía Láctea é enormemente brillante nesta fría e despexada noite de altiplano. A 4.500 metros a súa reflexión nun río, un cumio volcánico no horizonte afastado, é captado nesta panorámica montada baixo os ceos naturalmente escuros das terras altas setentrionais de Chile, preto de San Pedro de Atacama. Xunto co plano da eclíptica, tamén se salienta unha franxa de luz zodiacal, estendida por riba da Vía Láctea cara a parte superior esquerda. Na escena de finais de abril, uns brillantes Marte, Saturno e Antares forman un luminoso triángulo celeste onde a eclíptica se encontra co centro da Vía Láctea. Á esquerda do triángulo, a gran nebulosa de emisión vermello-púrpura Sharpless 2-27, con máis de vinte lúas de diámetro, está centrada ao redor da estrelaZeta Ophiuchi.
