Explicación: nas fonduras cósmicas e turbulentas da nebulosa Lagoa habitan cristas de brillante gas interestelar e escuras nubes de po. A brillante rexión de formación estelar, tamén coñecida coma M8, atópase a uns 5.000 anos luz de distancia. Pero aínda así é unha parada popular nas excursións telescópicas da constelación Sagittarius, cara o centro da nosa galaxia Vía Láctea. Esta abraiante e fonda vista, dominada pola desveladora emisión vermella dos átmos ionizados de hidróxeno que se recombinan cos electróns arrincados, ten case 100 anos luz de diámetro. A dereita do centro, a forma brillante e compacta de reloxo de area é o gas ionizado e esculpido pola potente radiación e os intensos ventos estelares procedentes unha estrela nova e masiva. De feito, as numerosas estrelas brillantes do cúmulo aberto NGC 6530 orzan no interior da nebulosa,formadas xusto na Lagoa hai varios millóns de anos.
