Explicación: a estrela máis próxima ao Sol ten un planeta semellante á Terra. Como se anunciou onte, as observacións recentes confirmaron que este planeta non só existe; tamén habita unha zona na que a temperatura superficial podería permitir a auga líquida, un ingrediente chave para a vida na Terra. Aínda non se sabe se este planeta, Proxima b, ten algunha vida. Aínda que non, a súa capacidade potencial de manter a auga líquida podería facer del unha boa primeira esperanza para as futuras viaxes espaciais da humanidade pola galaxia Vía Láctea. Aínda que a estrela proxenitora do planeta, Proxima Centauri, é máis fría e avermellada có noso Sol, unha das outras dúas estralas do sistema estelar Alpha Centauri é moi parecido ao noso Sol. A imaxe publicada amosa a situación no ceo de Proxima Centauri nos ceos meridionais por tras do telescopio que fixo as primeiras observacións do descubrimento: o telescopio de 3,6 metros do ESO en La Silla (Chile). O planeta descuberto orbita preto; tan preto que un ano aló tarda só 11 días na Terra. O planeta foi descuberto pola colaboración Pale Red Dot do ESO. Aínda quemoi improbable, se Proxima b tivera vida intelixente, a 4,25 anos luz de distancia está abondo preto para unha comunicación de dobre vía coa Terra.
