Explicación: a gran galaxia espiral NGC 4945 óllase de canto preto do centro deste retrato cósmico da galaxia. De feito, NGC 4945 case ten o tamaño da nosa propia galaxia Vía Láctea. O seu propio disco poeirento, os cúmulos de estrelas azuis nubes e as rexións de formación estelar rosadas saliéntanse nesta imaxe telescópica definida e chea de cor. A uns 13 millóns de anos luz de distancia cara a ampla constelación meridional de Centaurus, NGC 4945 está só unhas seis veces máis afastada ca Andrómeda, a gran galaxia espiral máis achegada á Vía Láctea. Aínda que a zona central da galaxia está moi agochada da vista con telescopios ópticos, as observacións de raios X e infravermellos apuntan a unha emisión de enerxía elevada significativa e formación estelar no núcleo de NGC 4945. O seu núcleo escuro pero activo cualifica ao espectacular universo illa coma unha galaxia Seyfert e aloxa un burato negro central supermasivo.
A achegada galaxia espiral NGC 4945
