Con Google Street View podiamos ver calquera rúa, tenda ou edificio. Agora con este novo Google Fish View podemos comezar a visitar distintos puntos dos Océanos.
A colección de imaxes da Gran Barreira de Coral foi parte do primeiro grupo de panorámicas subacuáticas que se engadiron a Google Maps, o seguinte paso para proporcionar aos usuarios o mapa máis completo, preciso e útil do mundo. Grazas a estas coloridas e cegadoras fotos, non é necesario que sexas mergullador nin que saibas nadar para explorar e gozar de seis dos arrecifes de coral vivo máis incribles dos océanos. Agora, calquera persoa pode converterse no seguinte Jacques Cousteau e mergullarse xunto a tartarugas e peixes.
Xa se pode usar Google Maps para atopar unha tartaruga mariña nadando xunto a banco de peixes, seguir a unha manta e gozar do atardecer no arrecife. Ademais, pódese aprender moito máis sobre este arrecife mediante o proxecto World Wonders Project, un sitio web que leva a Internet sitios modernos e antigos que foron nomeados patrimonio da humanidade.
O servizo traballa en asociación co Catlin Seaview Survey, un importante estudo científico dos arrecifes do mundo, para poñer estas incribles imaxes a disposición de millóns de persoas a través da función Street View en Google Maps. O Catlin Seaview Survey usou unha cámara subacuática especialmente deseñada, a SVII, para facer estas fotos.
Todos os biólogos mariños, mergulladores ou curiosos poderán mergullarse no océano e exploralo con Google Maps.
