Explicación: Segundo como se vise, parecía unha bandeira de 50 km de altura. A mediados de marzo, unha potente exección de masa coronal dirixida cara a unha canle magnética da Terra deu lugar a unha das tormentas xeomagnéticas máis intensas dos últimos anos. Un resultado visual foi unha serie de auroras que se puideron contemplar en moitos países próximos aos polos magnéticos da Terra. Captada sobre Kiruna (Suecia ), esta imaxe mostra unha cortina auroral inusualmente recta coa cor verde emitida na atmosfera baixa e o vermello moitos quilómetros máis arriba. Non está claro onde se orixina a cor púrpura, pero podería implicar unha insólita aurora azul a unha altitude máis baixa mesmo que o verde superposto cun vermello moito máis alto. Mentres o Sol continúe preto do máximo nivel de actividade superficial, na Terra serán frecuentes as noites con auroras cheas de cores.