mejores-talleres

Santiago coordina en Burkina Faso unha escola de enerxías sutentables para mulleres africanas

USC, a través do grupo de Aplicacións Sustentables de Enerxía, coordinou en Burkina Faso a primeira Escola Internacional pola Sustentabilidade para Mulleres Africanas, iniciativa que tamén organizaban a African Network for Solar Development (ANSOLE), a Universidade Panafricana de Nacións Unidas e a Johannes Kepker Universitat de Linz, entre outras. A profesora da Facultade de Física Ángeles López Agüera, representantes española en ANSOLE, coordinou os obradoiros interactivos.

Este encontro celebrouse ao longo dunha semana na capital do país africano Ouagadugú integrados nas actividades daSustainable Energetics for Africa (SE4A) e auspiciado polo Ministerio de Enerxía de Burkina Faso e financiada pola Fundación Volkswagen. Nel participaron algo máis de 50 científicas novas e empresarias de sete países do oeste africano (Burkina, Nixeria, Etiopía, Senegal, Togo, Benin e Ghana), todos eles na franxa climática do Sahel.

Durante unha semana, a través de charlas, obradoiros e visitas formativas, as participantes traballaron sobre as expectativas enerxéticas sustentables a medio e longo prazo, a adecuación aos Obxectivos de Desenvolvemento Sustentable e a implicación das políticas enerxéticas na mitigación do Cambio Climático. Esta primeira escola terá continuidade no mes de xullo en Camerún cunha segunda edición dedicada a África Norte e Este.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.