Raúl Romar, xornalista da sección de Sociedade de La Voz de Galicia, é o gañador do premio Galicia Xornalismo Científico. A Real Academia Galega de Ciencias (RAGC) e a Axencia Galega de Innovación da Xunta de Galicia (GAIN) quixeron destacar con este galardón a capacidade do xornalista para «trasladar ao público non especializado unha investigación no campo da saúde de interese xeral e realizada en Galicia a través de explicacións que combinan o rigor co obxectivo divulgativo».
O traballo premiado pola RAGC en colaboración coa GAIN está centrado na investigación para atopar un tratamento adecuado que poida curar unha das enfermidades máis incapacitantes: a artrose.
Publicidade
