O voo de Malaysia Airlines desapareceu no 2014.

O voo de Malaysia Airlines desapareceu no 2014.

Premian un estudo da USC sobre o avión desaparecido de Malaysia Airlines

O profesor de Computación Joaquín Triñanes definiu a traxectoria no océano dos restos do avión sinistrado

O profesor do Departamento de Electrónica e Computación da USC Joaquín Triñanes acaba de recibir a Medalla Denny que dende 1893 outorga anualmente o IMarEST (Institute of Marine Engineering, Science and Technology) ao mellor artigo publicado no Journal of Operational Oceanography, neste caso en 2016. A cerimonia de entrega tivo lugar estes días na sede do International Maritime Organization (IMO) en Londres.

O profesor Joaquín Triñanes recolle o premio en Londres.

O profesor Joaquín Triñanes recolle o premio en Londres.

O artigo premiado, ‘ Analysis of flight MH370 potential debris trajectories using ocean observations and numerical model results’, asinárono ademais os investigadores M. Josefina Olascoaga, Gustavo J. Goni, Nikolai A. Maximenko, David A. Griffin e Jan Hafner. Nel presentan unha metodoloxía para avaliar as áreas do Océano Índico con maiores probabilidades de ser a fonte dos restos do vo MH370 de Malaysia Airlines, desaparecido en marzo de 2014.

A investigación levouse a cabo a partir da traxectoria dos escombros flotantes, que foron parar á Illa da Reunión. Grazas ao traballo identificaron zonas que poden ser excluídas como potenciais sitios de choque á vez que puideron proporcionar tempos de viaxe estimados. Esta metodoloxía poderase aplicar a outros propósitos máis alá da temática do artigo.

O IMarEST, fundado en 1889, reúne científicos e tecnólogos navais nun corpo profesional multidisciplinario internacional e hoxe é a organización mariña máis grande do mundo, con máis de 18.000 socios e sedes en 120 países. O seu obxectivo é promover o desenvolvemento científico da enxeñaría mariña, a ciencia e a tecnoloxía.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.