Os alumnos premiados, cos seus diplomas, tras da final.

Os alumnos premiados. Pablo Fariña é o segundo pola dereita abaixo.

Premio para o pontevedrés Pablo Fariña na final estatal de Monólogos Científicos

O alumno de 16 años do Colexio Sagrado Corazón de Praceres fixo o mellor guion e viaxará ao CERN

Mozos de 3º e 4º da ESO demostraron que falar de ciencia e facelo con humor é posible. Un deles foi o pontevedrés Pablo Fariña, do Colexio Sagrado Corazón, de Placeres, quen gañou este venres o premio ó mellor guion no Concurso de Monólogos Científicos promovido pola Fundación Española de Ciencia e Tecnoloxía (FECYT), nun certame que percorreu diferentes cidades españolas durante o últimos tres meses.

De entre 10 cidades, 175 colexios e 11.545 alumnos de 14, 15 e 16 anos, só sete alumnos foron elixidos para a final que tivo lugar no Espazo Fundación Telefónica onde Claudia Prada conseguiu o título ao Mellor Monólogo; Gaizka Monxe ao Mellor contido científico; María Díaz ao Máis divertido; Meriem Abdelaziz á Mellor posta en escena; María Belén Herruzo ao Máis orixinal e sorprendente; Pablo Fariña ao Guion e relato mellor construídos; e Juan León á Maior capacidade de comunicación, levándose todos eles unha viaxe ao CERN, Organización Europea para a Investigación Nuclear, en Suíza, onde poderán saciar a súa curiosidade e ampliar o seu coñecemento científico da man de científicos que lles explicarán o seu traballo no eido da física.

monologos cientificos rapaces

Os temas científicos tratados polos alumnos nos seus monólogos foron moi variados. Desde os meteoritos que caen na Terra, as ondas do mar, a gravidade, a teoría do Big Bang, ata a física cuántica ou o movemento da Lúa e a súa relación coa Terra.

O monólogo de Pablo Fariña estaba titulado ‘Os meteoritos‘. Foi o mesmo con que gañou a fase galega, celebrada en la Cidade da Cultura de Santiago. Esta foi a segunda edición do proxecto ´Monólogos Científicos´, que contou co labor de 19 investigadores e profesionais de diversos eidos da ciencia.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.