Únete á nosa canle de Whatsapp
Explicación: que está a provocar estes estraños aneis na supernova 1987A? Hai trinta anos, en 1987, viuse a supernova máis brillante da historia recente na Gran Nube de Magallanes. No centro da imaxe publicada hai un obxecto no medio dos refugallos da violenta explosión estelar. Ao redor do centro hai aneis curiosos máis externos que semellan unha figura aplanada en forma de 8. Aínda que telescopios grandes, como o Telescopio Espacial Hubble, vixilan os curiosos aneis cada poucos anos, a súa orixe segue a ser un misterio. Esta imaxe do remanente SN1987A tomouna o Hubble en 2011. Especúlase sobre se a causa dos aneis poden ser chorros emitidos que se orixinarían nunha estrela de neutróns, doutro xeito agochada, que quedaría detrás da supernova, maila súa interacción co vento procedente da estrela proxenitora co gas ceibado antes da explosión.
