O remanente da supernova Puppis A

Explicación: o remanente de supernova Puppis A, dirixido pola explosión dunha estrela masiva, está a voar polo interior do medio interestelar que o arrodea a uns 7.000 anos luz de distancia. A esa distancia, este campo telescópico cheo de cor baseado en datos de imaxes ópticas de banda ancha e estreita ten uns 60 anos luz de diámetro. Mentres o remanente de supernova se expande polo interior do seu contorno desigual e grumoso, so filamentos de átomos de osíxeno impactados brillan en cores verde azuladas. O hidróxeno e o nitróxeno son de cor vermella. A luz procedente da propia supernova inicial, desencadeada polo colapso dun núcleo estelar masivo, tería acadado á Terra hai uns 3.700 anos. Realmente, o remanente Puppis A óllase ao través da emisión periférica procedente do máis achegado pero máis antigo remanente de supernova Vela, preto do ateigado plano da nosa galaxia Vía Láctea. Puppis A, aínda brillante en todo o espectro electromagnético, fica sendo unha das fontes máis brillantes do ceo en raios X.