Explicación: unha fermosa conxunción de Venus e a Lúa, un home, area maila Vía Láctea represéntanse nesta paisaxe celeste nocturna desde o planeta Terra. A escena é unha panorámica de 6 fotografías tomadas nun intre preto do remate da xornada. No primeiro plano, os pasos ao longo das dunas con ondas feitas polo vento están preto do oasis Huacachina no deserto ao sudoeste do Perú. A espectacular imaxe final, unha perspectiva fascinante do mundo pola noite, foi escollida tamén coma unha das gañadoras do Concurso Internacional da Terra e o Ceo de 2017 que organiza The World at Night (O Mundo pola Noite).