Juan Lema, distinguido polo Politécnico de Milán coa ‘Laurea ad Honorem’

O profesor emérito da USC recibe este recoñecemento do Ministerio de Investigación de Italia pola súa contribución ao campo da biotecnoloxía ambiental

Juan Lema é profesor emérito da USC. FOTO: Santi Alvite.

O Ministerio italiano de Universidades e Investigación acaba de outorgar ao profesor emérito da USC, Juan M. Lema  Rodicio, membro do Centro Singular CRETUS, a Laurea ad Honorem do Politécnico de Milán, o máximo recoñecemento que concede esta universidade. A proposta correu a cargo do Departamento de Enxeñería Civil e Ambiental onde o profesor Lema realizou unha estancia de investigación no ano 2018.

Con esta distinción quérese premiar a importante contribución de Lema Rodicio ao campo da biotecnoloxía ambiental, particularmente no desenvolvemento de tecnoloxía e de procesos de tratamento e recuperación de recursos dos residuos. Este recoñecemento pode considerarse a versión italiana do Doutoramento honoris causa. O acto de investidura terá lugar o próximo mes de xuño en Milán, no marco da V edición do Congreso Internacional ‘Ecotechnologies  for  Wastewater  Treatment.  EcoSTP 2021’. A sesión consistirá nunha cerimonia solemne na aula magna do Politécnico que contará coa presenza de autoridades académicas italianas.

O Politécnico de Milán concedeu menos dunha ducia destas distincións honoríficas no últimos dez anos, entre as que se atopan as outorgadas aos arquitectos Álvaro Siza e Nicholas  Grimshaw, ao deseñador  Giorgio  Armani, ao  profesor no eido da Enxeñaría Civil Dan  Frangopol, a Luca Cordero dei  Montezemolo, ex presidente de  Ferrari; ou Maurizio  Boiocchi, director técnico de  Pirelli; así como a Paul  Krutzen, premio Nobel de Química en 1995.

Este título académico honorífico conferido polo Politécnico de Milán súmase ao nomeamento de Lema como honoris causa pola Pontificia Universidade Católica de Valparaíso (Chile) en 2015 e a de Honorary Professor pola Universidade de Queensland (Australia) en 2018. Asemade, Juan Lema recibiu, entre outras distincións, o título de Fellow pola International Water Association en 2014, a Insignia de ouro da USC (2013) e a Medalla de ouro de Enxeñería Química da Universidade de Valladolid (2010).

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.