Venres 29 Marzo 2024

A USC, entre as 250 mellores universidades do mundo en Linguas Modernas, Lingüística e Farmacia

O QS World University Ranking acaba de publicar a clasificación das 500 mellores universidades do mundo en función das diversas áreas de coñecemento. A Universidade de Santiago de Compostela é a única galega que aparece na lista, na que obtén varios resultados destacados.

En canto a grandes áreas, a USC aparece no posto 356 de Artes e Humanidades e no 374 de Ciencias Naturais. Tamén está entre as 500 mellores en Ciencias da Vida e Medicina e en Ciencias Sociais.

Publicidade

No referente a ámbitos temáticos concretos, os resultados son aínda mellores no apartado de Linguas Modernas, onde figura no intervalo 151-200, e en Farmacia, Farmacoloxía e Lingüística, no que aparece na posición 201-250. Tamén destaca a posición da USC en Agricultura e silvicultura e en Enxeñaría Química, (posición 251-300), Matemáticas (301-350), Física e Astronomía (351-400), e Química e Medicina (401-450).

O QS World University Rankings by Subject 2017 selecciona as que considera como as 500 mellores universidades do mundo organizadas por grandes áreas de coñecemento e en base a ámbitos temáticos concretos. Para ordenar a clasificación, toma en consideración varios criterios: por unha parte, enquisas globais realizadas por QS entre académicos e empregadores para avaliar a reputación internacional das institucións universitarias en cada tema. Os outros dous indicadores refírense ao impacto da investigación a partir das citas por artigo e o índice h dos investigadores, segundo o recollido nas bases de datos Scopus de Elsevier.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Unha galega abre o camiño para aplicar intelixencia artificial na administración de vacinas

A investigación valeulle a Lorena García del Río o IX Premio Julián Francisco Suárez da Real Academia de Farmacia de Galicia

Descobren como predicir a eficacia dun dos fármacos máis usados contra o cancro de mama

Identificada unha vía para saber se o medicamento de quimioterapia paclitaxel será recomendable para a paciente oncolóxica

Drogas psicodélicas e terapia: un posible tratamento para doenzas crónicas de saúde mental

Estes fármacos están prohibidos en Europa, pero unha nova investigación suxire que poden ser beneficiosos para algunhas persoas cando se toman con control

Un equipo de Santiago mellora a eficacia terapéutica contra a artrite reumatoide

O investigador Iván Lamela formula na súa tese modelos de microcápsulas aptas para tratamentos a nivel intraarticular