A desinformación constitúe unha das maiores preocupacións das democracias contemporáneas. Detrás das noticias falsas ou fake news articúlanse, en moitas ocasións, estratexias para manipular a opinión pública e erosionar a estabilidade dos Estados e das súas institucións.
No segundo capítulo do pódcast Investigar na USC, falamos da loita contra a desinformación. Para desenvolvela, resulta fundamental a coordinación con tres actores clave: as empresas tecnolóxicas, a sociedade civil e as institucións académicas. Hai unhas semanas, botou a andar HYBRIDS, un proxecto da USC que busca desenvolver un sistema para empregar a Intelixencia Artificial na identificación de noticias falsas, discursos de odio e desinformación.
No capítulo de hoxe falamos das posibilidades que ten a intelixencia artificial contra as fake news. Con Paulo Gamallo, coordinador do proxecto e experto en lingüística; Berta García, especialista en xornalismo dixital e comunicación política, e Patricia Martín, investigadora en ciencias da Computación e Tecnoloxías da Información.
Escoita Investigar na USC en: Spreaker, Spotify, iHeart, Google Podcasts, Deezer, Podcast Addict e Podchaser.
