O Instituto de Altas Enerxías, primeiro centro galego de excelencia estatal

A Axencia Estatal de Investigación deu a coñecer a pasada semana os novos centros distinguidos coas acreditacións de excelencia científica. Entre eles figura, por primeira vez, un centro galego: o Instituto Galego de Física de Altas Enerxías (IGFAE). Foi recoñecido como Unidade de Excelencia María de Maeztu, o que lle aportará un financiamento de dous millóns de euros nos próximos catro anos e a posibilidade de ofrecer oito contratos predoutorais.

O IGFAE, dependente da USC e da Xunta, creouse no ano 1999, e céntrase na investigación destinada a mellorar a comprensión da estrutura da materia e o Universo, así como as súas aplicacións tecnolóxicas en diversos eidos, que van desde a microelectrónica ou a enerxía solar ata a física de partículas. De feito, é un dos centros de investigación que colabora co proxecto do acelerador de partículas do CERN. Está dirixido actualmente por Carlos Salgado.

Publicidade

Grazas a este recoñecemento, o IGFAE poderá aumentar os seus esforzos para a atracción e retención do talento investigador, especialmente nos perfís máis axeitados para os proxectos do European Research Council. iso defínense accións que inciden nas fases iniciais da carreira científica, onde os investigadores poden optar a Starting ou Consolidator Grants (ata a data, dous investigadores do Instituto acadaron unha Starting Grant). A formación de novos científicos, tanto na fase de doutoramento como o comezo do posdoutoramento, é outra das bases na estratexia de talento, segundo informan desde a USC.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Galicia, clave no novo proxecto europeo para explorar unha das forzas fundamentais da natureza

O IGFAE e o CESGA participarán na iniciativa internacional HADRON-2030 poñendo a disposición o seu Quantum Computing Lab

A cuántica entra nunha obra de arte: o pintor galego que conecta coa incerteza física no IGFAE

O santiagués Andrés Rodís expón 25 pezas inspiradas na superposición, a observación e a relación entre o visible e o invisible no Museo Gaiás

Físicos advirten dun erro no estudo que vinculaba o cambio de hora con graves riscos para a saúde

Os físicos Jorge Mira e José María Martín Olalla detectan unha localización incorrecta dos condados analizados, o que altera os resultados sobre o desfase circadiano

Das visitas a Santiago ás colaboracións científicas: estes son os vínculos do Nobel de Física con Galicia

O galardoado Francis Halzen é o presidente do Comité Asesor do IGFAE e colaborou cos científicos Enrique Zas, Jaime Álvarez ou Ricardo Vázquez