Sábado 13 Xullo 2024

A Coruña crea o Dobre Máster en Enxeñería de Camiños e Dirección de Empresas

Nace na Coruña un dobre máster que aúna os avanzados coñecementos técnicos coa xestión do mundo da empresa. A Escola Técnica Superior de Enxeñería de Camiños, Canais e Portos e a Facultade de Economía e Empresa da Universidade da Coruña chegaron a un acordo, ratificado en Consello de Goberno o 20 de xullo de 2017, para que a partir do curso 2017/2018 (inclusive) os estudantes poidan matricularse no Dobre Máster Universitario en Enxeñería de Camiños, Canais e Portos e Dirección e Administración de Empresas. É o primeiro programa do Sistema Universitario Galego que supón a simultaneidade de dous másteres universitarios oficiais.

Os alumnos que decidan cursar esta opción poderán obter, nun prazo total de dous cursos académicos, os títulos de Máster Universitario en Enxeñería de Camiños, C. e P. (MECCP), que habilita para a profesión regulada de enxeñeiro de camiños, canais e portos, e de Máster Universitario en Dirección e Administración de Empresas (MBA), orientado principalmente a unha formación eminentemente práctica no campo da xestión empresarial. O dobre máster inclúe a realización de prácticas nunha empresa.

Publicidade

É o primeiro título en Galicia que permite facer dous máster ao mesmo tempo

Para facer posible este programa os equipos de xestión de ambos centros, dirixidos respectivamente polos profesores Ignasi Colominas e Anxo Calvo, organizarán as clases de modo que os alumnos poidan asistir polas mañás ás clases do MICCP e polas tardes ao equivalente de dúas ou tres asignaturas do MBA. Este último, cando se cursa individualmente, ten unha duración dun ano, polo que ao repartirse en dous alivia a carga lectiva por cuatrimestre dos estudantes do Dobre Máster. A simultaneidade vese facilitada tamén pola curta distancia entre ambos centros, situados no mesmo campus a apenas 500 m un do outro.

Este programa conta cunha vantaxe importante fronte aos programas de dobre grado que simultanean estudos de enxeñería e empresa, posto que non supón unha extensión na duración dos estudos. Fronte ao estudante que opte por un dobre grado (polo menos 5 anos) e o máster habilitante para enxeñerías superiores (2 anos), os que cursen o Dobre Máster MICCP/MBA da UDC poderán obter ambas titulacións (máis o grado que lles dá acceso) no esquema habitual de 4 máis 2 anos.

Publicidade

Información MICCP: http://caminos.udc.es/futuros/

Información MBA: http://mbaudc.es/

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Como afectan as chuvias extremas á contaminación na ría de Arousa?

Un modelo da UDC simula a viaxe dos refugallos ata o mar e estuda como as precipitacións intensas axudan no proceso

Un equipo da UDC analiza con láser a contaminación das pontes de Praga

Unha alumna procedente da República Checa realiza a súa tese na institución galega con vistas a futuros procesos de restauración

Un equipo da UDC patenta un sistema pioneiro que mide a postura vertebral en tempo real

Investigadores do CITENI crean unha tecnoloxía non invasiva e de baixo custo para mellorar o diagnóstico e tratamento das doenzas da columna

A toxoplasmose é un factor de risco para o envellecemento inflamatorio nos maiores

Un estudo da UDC demostra que as persoas cunha resposta de anticorpos máis forte á infección tiñan máis probabilidades de ser fráxiles