A covid persistente afecta o olfacto e o gusto de ata 27 millóns de pacientes

Un novo estudo analizou a perda duradeira de ambos sentidos, pois só o 74% dos pacientes informou da recuperación do olfacto e o 79% do gusto

Ao redor do 5 % dos adultos poden desenvolver cambios duradeiros no seu sentido do olfacto ou do gusto tras unha infección por covid
Ao redor do 5% dos adultos poden desenvolver cambios duradeiros no seu sentido do olfacto ou do gusto tras unha infección por covid

Ao redor do 5% dos adultos poden desenvolver cambios duradeiros no seu sentido do olfacto ou do gusto tras unha infección por covid, segundo suxire unha investigación publicada por The BMJ. Con máis de 550 millóns de casos confirmados de coronavirus ata a data, isto significa que polo menos 15 millóns e 12 millóns de pacientes adultos poden experimentar deficiencias olfativas e gustativas a longo prazo, respectivamente.

A alteración de ambos os sentidos é común nos pacientes infectados con SARS-CoV-2, cunha media do 40-50 % de persoas afectadas que declaran estes síntomas

Dada a enorme repercusión que a perda do olfacto e o gusto pode ter na calidade de vida e a saúde en xeral, isto podería contribuír á crecente carga de covid de longa duración, advirten os investigadores. A alteración de ambos os sentidos é común nos pacientes infectados con SARS-CoV-2, cunha media do 40-50% de persoas afectadas que declaran estes síntomas. Con todo, sábese pouco aínda sobre a súa evolución clínica ou sobre cantos deles desenvolven problemas persistentes.

Para abordar esta carencia de coñecementos, un equipo de investigación internacional liderado por expertos da Universidade Nacional de Singapura analizou datos de 3.699 pacientes. Descubriron que a perda do olfacto pode persistir no 5,6% deles, mentres que o 4,4% pode non recuperar o sentido do gusto.

Os pacientes cunha maior gravidade inicial da perda de olfacto e os que tiñan conxestión nasal tiñan menos probabilidades de recuperar este sentido

Así mesmo, aos 30 días da infección inicial, só o 74% informou da recuperación do olfacto e o 79% do gusto. Iso si, as taxas de recuperación aumentaron co paso dos meses, alcanzando un máximo do 96% para o olfacto e do 98% para o gusto despois de seis meses. As mulleres tiñan menos probabilidades de recuperar o sentido do olfacto e do gusto que os homes, mentres que os pacientes cunha maior gravidade inicial da perda de olfacto e os que tiñan conxestión nasal tiñan menos probabilidades de recuperar este sentido.

Limitacións do estudo

Os científicos recoñecen varias limitacións na súa análise. Por exemplo, a calidade dos estudos incluídos variaba e baseábase no autoinforme, o que, segundo explican, “pode sobreestimar a recuperación, o que suxire que a verdadeira carga da disfunción olfativa é aínda maior”.

Espérase que a maioría dos pacientes recuperen o sentido do olfacto ou do gusto nos tres primeiros meses tras a infección

De feito, os autores afirman que, aínda que se espera que a maioría dos pacientes recuperen o sentido do olfacto ou do gusto nos tres primeiros meses, “un grupo importante podería desenvolver unha disfunción duradeira que require unha identificación oportuna, un tratamento personalizado e un seguimento a longo prazo”. “É probable que os nosos achados teñan unha relevancia substancial para os médicos xerais e os otorrinolaringólogos no asesoramento dos pacientes con trastornos do olfacto e o gusto despois da covid”, conclúen.


Referencia: Prognosis and persistence of smell and taste dysfunction in patients with covid-19: meta-analysis with parametric cure modelling of recovery curves (Publicado en: BMJ

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.