Venres 19 Abril 2024

Ciencia e xornalistas

xm_pereiro_avatar_bnOs xornalistas somos moi de velorios. Arredor dos mortos é cando erguemos a voz, chorando ao desaparecido e consolando aos seus orfos. Cando desaparece un medio de comunicación poñémonos de loito e sacamos os pésames mellores e máis requintados do cartafol dos florilexios paraliterarios. Un día é un día e unha ocasión para saír do suxeito-verbo-predicado de sempre. A verdade é que nos últimos tempos estamos adestrando como se o velorio de medio o fosen a declarar deporte olímpico, e non damos abasto a consolar a tanta orfandade.

Pero tamén hai nacementos. Coma este. E nunca os celebramos como deberíamos, porque en vez de alborozarse como o pai do fillo pródigo da Biblia, que empezou a programar unha matanza na facenda, habitualmente analizamos a criatura con ollo crítico de comadróns experienciados e comentamos con displicencia e entre dentes: “Isto non vai prender”.

Publicidade

A min préstame que naza GCiencia. En primeiro lugar porque é un medio especializado en algo que tradicionalmente na prensa estaba a medio camiño entre o entretemento e superchería. As informacións científicas tiñan orixe en remotas universidades que proclamaban teorías superferolíticas das que nunca máis se volvía saber nada. E cando a noticia científica era realmente noticia e realmente científica, era sometida a un tratamento mediático que a convertía en fonte de polémica na que participaba todo canto se consideraba con dereito a ter un pito que tocar.

En segundo lugar, porque é un medio informativo, está feito por xornalistas. Xa sei que debe haber unha chea de webs de información de alto nivel científico, pero todo é pouco para fomentar a divulgación (“O aspecto máis triste da vida actual é que a ciencia gana en coñecemento máis rapidamente que a sociedade en sabedoría”, queixábase Asimov), e tamén é preciso xerar ferramentas e saberes para que a ciencia non sexa para os profesionais da información un arcano. Como dixo Albert Einstein non entendes realmente algo a menos que sexas capaz de explicarllo a túa avoa. E para iso necesítanse xornalistas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Os bebés expostos ao tabaco teñen maior probabilidade de consumir antibióticos

Un estudo galego analiza os factores asociados ao consumo deste medicamento cunha mostra de 18.882 mulleres

“Anicamento” e “teito de cristal”, entre as novas entradas do Dicionario da RAG

A RAG engade corenta voces como novas acepcións e mellora a definición de 20 lemas na súa última actualización

Unha masa de aire polar desplomará os termómetros en Galicia

As temperaturas caen ata 10 graos a vindeira semana, quedando en valores baixos para a época do ano

A ciencia confirma que as apertas alivian a dor, a ansiedade e a depresión

Un equipo internacional analiza os beneficios do contacto físico nas persoas a partir da revisión de 212 estudos