Hai que dicilo: Pikachu vai converterse en Doraemon, o gato cósmico.

Un gato morto chamado Pikachu será lanzado ao espazo

A compañía Celestis Pets ofrece o servizo de enviar á túa mascota á órbita da Terra tras a súa morte

Pikachu foi un gato que morreu en xaneiro por complicacións derivadas da diabete. E agora vai ser lanzado ao espazo. O seu dono, Steve Munt, contratou un novo servizo para que as cinzas de Pikachu entren en órbita. A compañía encargada da misión será Celestis Pets, unha firma dos EUA convertida en funeraria cósmica. O que nos da a mostra do que ten avanzado o sector privado no que atinxe ao mundo aeroespacial.

Munt actualmente está a recadar cartos a través de ‘crowfunding’ para axudar a pagar o boleto de Pikachu por 5.000 dólares. Pero xa contratou os servizos e o lanzamento está previsto “nalgún momento nos vindeiros 18 meses”.

Celestis Pets xa colocou en órbita os restos cremados de dous cans. A compañía di que as cinzas permanecerán ata que se desintegren ao volver entrar na atmosfera. Malia que os restos dun gato ou dun can serán demasiado pequenos para velos, a compañía compara poéticamente o fenómeno cunha estrela fugaz que cruza o ceo.

“Quería que Pikachu fose o primeiro”, dixo Munt a Space.com, salientando que quería “amosar ao mundo que un gato é tan digno como un can dun tributo especial”.

Todo isto pode levarnos a meditar sobre os honores que facemos aos nosos compañeiros caninos e felinos. Pero non esquezamos que, no antigo Exipto, xa os gatos eran embalsamados nas grandes tumbas faraónicas. Unha honra tan grande como a que vai ter Pikachu, que como Doraemon vai camiño de ser un ‘gato cósmico’.

1 comentario

  1. Xa hai merda no espacio orbitando a terra para por riba botar mais. Deberia estar prohiido isto…

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.