Unha radiografía cos dentes de leite e os definitivos.

Os nenos teñen unha dobre fila de dentes sobre os de leite

Nacemos co xerme da nosa dentición definitiva, que xa comeza a formarse no útero materno e vai medrando oculta ata que fai caer aos de leite

Poida que nos sorprenda saber que nacemos xa cos dentes definitivos que nos acompañarán toda a vida, aínda que nunha etapa moi temperá. Estes dentes xa comezan a formarse no útero materno e algún día desprazarán aos de leite.

Nunha radiografía o nun escáner poderíamos ver a dobre fila de dentes que teñen os nenos, algúns deles situados baixo dos ollos, pero tapados polos músculos e a pel.

Dentes de leite e dentes definitivos nun cranio humano.

A primeira aparición dos dentes xa se produce no útero materno. Os dentes primarios dos bebés comezan a formarse  entre a sexta e a oitava semana de desenvolvemento prenatal, e os dentes permanentes comezan a formarse na vixésima semana.

Xa como nenos, tras da saída dos dentes de leite, os definitivos -que están moi xuntos aproveitando o seu espazo no cranio- comezan a medrar ‘alimentándose‘ dos seus precedentes. Máis tarde, aproveitarán a posición dos de leite para tomar a súa situación definitiva na nosa mandíbula.

Os dentes de leite e os dentes definitivos nun cranio infantil.

Os dentes de leite (tamén coñecidos como ‘dentición decidua’ ou ‘primaria’), son o primeiro xogo de dentes que aparece nas primeiras etapas da vida dos humanos e doutros mamíferos.

Desenvólvense durante o período embrionario e fanse visibles (erupción dentaria) na boca durante a infancia. Son xeralmente substituídos, tras a súa caída, por dentes permanentes, aínda que, en ausencia desta, poden conservarse e manter a súa función algúns anos. En todos os mamíferos, salvo algunhas excepcións, se recambian só incisivos, cairos e premolares, aparecendo os molares xa como parte da serie dentaria definitiva.

Series de dentes numerados nunha radiografía.

 

A aparición dos dentes de leite ten o seu calendario: os primeiros agroman entre os 6-9 meses e os últimos entre os 20-24 meses. Na dentición temporal hai 20 dentes en total: 8 incisivos, 4 cairos e 8 molares temporais.

Pero, mentres vemos eses dentes deciduos, en realidade os outros, os definitivos, tamén están aí. Esperando a súa saída e medrando. E empurrando aos de abaixo ata que rematan por caer.

Outra radiografía cos dentes de leite e os definitivos.

O cambio de dentadura de leite á dentadura definitiva ten a seguinte cronoloxía: aos 7 anos, saen os incisivos centrais permanentes; aos 8 anos, aparecen os incisivos laterais permanentes. Os premolares aparecerán aos 9 anos e os cairos aos 10. Finalmente, os molares irán xurdindo aos 6, aos 12 e ata os 30 anos no caso do terceiro molar nalgunhas persoas.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.