Os teclados dos nosos ordenadores poden ser unha fonte de infeccións. De feito, acollen máis patóxenos que a propio retrete, como demostran recentes investigacións. Todos tratamos de manter as nosas cociñas e baños limpos e libres de bacterias. Pero esquecemos que nos pasamos moitas horas cada semana escribindo nunha computadora. E rara vez pensamos en facerlle unha limpeza.
Unha investigación da Universidade de Tecnoloxía de Swinburne en Australia estudou a cantidade e o tipo de bacterias nos teclados e outras superficies da universidade. Descubriron que os teclados poden ter altos niveis de bacterias e que os teclados compartidos tenden a ter máis bacterias que os utilizados por unha soa persoa.
Aínda máis inquietante, a investigación realizada por investigadores da Universidade de Arizona tamén atopou que a computadora de escritorio media ten 400 veces máis bacterias que o asento de inodoro medio.
Ese estudo tomou mostras de oficinas en todos os Estados Unidos, e tamén mostrou que os escritorios das mulleres tenden a albergar máis bacterias que os dos homes.
Nos centros sanitarios o problema de patóxenos no teclado é moito máis grave
Se aínda non ves un problema, pensa agora nos centros sanitarios. Un estudo no Northwestern Memorial Hospital de Chicago atopou que dous tipos de bacterias letais resistentes aos medicamentos (Enterococcus faecium, resistente á vancomicina e Staphylococcus aureus resistente á meticilina) poderían sobrevivir ata 24 horas nun teclado.
A maioría das bacterias atopadas polos investigadores son tipos que tenden a vivir nas persoas, xeralmente na pel e na boca e as fosas nasais. Por tanto, é probable que a maioría das bacterias proveñan das nosas mans. E moitas delas non nos farán ningún dano, porque o ser humano convive coas bacterias normalmente, agás coas patóxenas ou dependendo dunha situación de baixa inmunidade.
Nos lugares de traballo onde se comparten ordenadores, é recomendable lavar as mans cando un se incorpora como novo usuario. Recentes estudos din que o máis efectivo é limpar o teclado cunha solución de auga e alcol.
Algo de bibliografía científica sobre o tema:
- Anderson, G; and Palombo, EA, Microbial contamination of computer keyboards in a university setting; American Journal of Infection Control, 37(6) pp.507-9, 2009.
- Lankford, MG; Collins, S; Youngberg, L; Rooney, DM; Warren, JR; and Noskin, GA, Assessment of materials commonly used in health care: Implications for bacterial survival and transmission. American Journal of Infection Control, 34(5)pp. 258-63, 2006.
- Leander, J; Burke, R; Sulis, C; and Carling, PD; Dangerous COWS; An analysis of disinfection cleaning of computer keyboards on wheels, American Journal of Infection Control, 37(6) 778-80, 2009.
- Lu, PL; Siu, LK; Chen, TC; Ma, L; Chiang, WC; Chen, YH; Lin, SF; and Chen, TP, Methicillin-Resistant Staphylococcus Aureus and Acinetobacter baumannii on computer interface surfaces of hospital wards and association with clinical isolates, BMC Infectious Diseases, 164(9), 2009.
