David Bowie xa ten a súa constelación

A constelación creada en homenaxe a Bowie.
A constelación creada en homenaxe a Bowie.

Astrónomos belgas renderon homenaxe ao lendario músico David Bowie e puxéronlle o seu nome a unha constelación de sete estrelas. A súa forma semella o raio pintado sobre o rostro do artista na portada do seu disco Aladdin Sane. A cadea radiofónica  Studio Brussels e o Observatorio Público MIRA (ambos os dous belgas) uníronse nesta iniciativa, que rexistraron no mesmo día da súa morte, o pasado 10 de xaneiro.

Trátase dunha homenaxe apropiada, xa que  a Bowie utilizou o universo como unha inspiración crave na súa carreira. O seu primeiro éxito atopouno co seu single Space Oddity. Logo creou o personaxe Ziggy Stardust, unha estrela de rock extraterrestre e tamén triunfou con Starman e Life on Mars.

Bowie apareceu na portada do álbum Aladdin Sane, publicado en 1973, cun raio vermello e azul pintado nun lado do rostro. A forma deste deseño coincide agora coas estrelas Sigma Librae, Spica, Alpha Virginis, Zeta Centauri, SAA 204 132 e Beta Sigma Octantis Trianguli Australis.

A constelación non é recoñecida pola Unión Astronómica Internacional e só ten valor anecdótico

Hai que recordar que unha constelación é simplemente unha convención humana. Non hai relación real entre as estrelas que a forman. Simplemente, dende a Antigüidade semellan formar figuras no ceo nocturno, pero en realidade os astros que as conforman están situados a distancias enormes entre eles.

Dende tempos remotos, os humanos crean liñas imaxinarias, trazando así figuras sobre a bóveda celeste. Ademais son completamente arbitrarias, xa que distintas culturas recoñeceron constelacións diferentes.

A partir de 1928, a Unión Astronómica Internacional (UAI) decidiu reagrupar oficialmente a esfera celeste en 88 constelacións con límites precisos, tal que todo punto no ceo quedase dentro dos confíns dunha figura. Antes de devandito ano, eran recoñecidas outras constelacións menores que logo caeron no esquecemento. A lista final codificouse en 1930. Por iso o valor da constelación de David Bowie non pasa de ser unha anécdota.

A creación da constelación é parte do proxecto de homenaxe ‘Stardust for Bowie’, no que os fans poden utilizar Google Sky para engadir as súas cancións favoritas do artista cunha breve nota para unha versión virtual da constelación.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.