Todas estas persoas non existen

As máquinas xa poden imaxinar imaxes. E convertelas nunha realidade que, en realidade, xamais existiu. Grazas á Intelixencia Artificial, as computadoras poden crear facianas como as que encabezan este artigo, que corresponden a persoas que nunca existiron, pero que están construidas grazas aos patróns que poden aprender tras almacenar e analizar milleiros de fotografías reais humanas.

A tecnoloxía de aprendizaxe profunda de Google, que usa o material dos seus buscadores, conseguiu grandes avances. Pero investigadores da empresa NVIDIA levaron esta tecnoloxía máis aló e poden producir rostros humanos que parecen auténticos.

Publicidade

O resultado é dunha verosimilitude sorprendente. A máquina para iso procesa varias fotos de diferentes persoas, que non teñen porque ser do mesmo sexo, e dá como resultado un retrato bastante exacto dun personaxe ficticio, unha sorte de replicante en forma de mapa de píxeles.

Aínda que os resultados aínda non son perfectos. Hai aspectos que non están dabondo logrados e podemos fixarnos no pelo liso, que ás veces se amosa pouco natural; nos fondos dos retratos, que poden ser bastante estraños; en erros de asimetría nos rostros; dentes cun aspecto estraño, etcétera.

Publicidade

Agora, unha nova web pode amosarnos todo o potencial desta tecnoloxía. Trátase de thispersondoesnotexist.com, onde cada vez que refrescas a páxina aparece unha faciana dunha persoa que xamais existió. Pero que semella absolutamente real. Unha nova imaxe é creada cada vez que refrescas a páxina.

Ademais, nos últimos anos os sistemas de Intelixencia Artificial conseguiron tamén recrear obxectos que non existen, como automóviles, mobles ou mesmo casas enteiras. Todas estas imaxes poden ser empregadas libremente por exemplo na publicidade, sen riscos de demandas.