Luns 15 Abril 2024

O .gal cumpre cinco anos con máis de 4.700 dominios rexistrados

O 14 de xuño de 2013 comezábase a andar un camiño que xa levaba rozándose bastantes anos máis. En 2006, un grupo promotor formado por varias entidades representativas da cultura e sociedade galegas puxo en marcha a Asociación PuntoGal. Querían que Galicia e o galego estivera presente no novo mundo que nacía na Internet. Aquel ano, un manifesto pedía un dominio .gal. En 2012 presentouse a candidatura para optar a este recoñecemento.

E foi hai agora xusto cinco anos cando a ICANN, o organismo internacional que regula a rede, aprobaba a concesión do dominio. E en maio de 2014, dominio.gal convertíase na primeira páxina web creada con esta terminación.

Publicidade

Desde entón, a lingua e a cultura galegas non deixan de medrar na rede. A día de hoxe, PuntoGal ten rexistrados preto de 4.800 dominios. O obxectivo é acadar os 5.000 antes de que remate 2018. Desde os 93 pioneiros que iniciaron o camiño en xullo de 2014, houbo novas institucións, empresas e entidades que se foron sumando día a día á internet en galego.

Na actualidade, a asociación PuntoGal, que preside Manuel González, segue traballando por incentivar tanto o rexistro de novos dominios como a promoción da lingua e cultura galegas na rede, sexa directamente ou a través de acordos de colaboración con outras entidades. Este ano celebráronse, entre outras iniciativas, un concurso de microrrelatos en colaboración coa Real Academia Galega; a impresión de 12.000 marcapáxinas para celebrar as feiras do libro de Galicia xunto coa Federación de Libreiros, Política Lingüística e o IES Leixa de Ferrol; ou a promoción do Día das Letras da man de ReiZentolo. Para o segundo semestre do ano, PuntoGal prepara novas actividades, que abarcan dende a súa presenza na feira Culturgal ata novas iniciativas no ámbito tecnolóxico como xa se fixo no seu momento co lanzamento de i.gal e velaqui.gal en colaboración con Dinahosting.

Descontos para os novos .gal

Para conmemorar o 5º aniversario, a entidade ofrece unha promoción especial de duración limitada. Entre o 14 e o 17 de xuño será posible obter un .gal por tan só cinco euros + IVE como prezo máximo. Os rexistros poderán realizarse nas empresas adheridas á promoción: Blacknight, CdMon, Core, Dinahosting, Don Dominio, Com Laude e Openprovider. Pódese consultar toda a información sobre a campaña na web dominio.gal.

 

 

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:03:49

F de Fala: as palabras que nos sosteñen

'Veiga', 'laverca' e 'Rábade' son palabras que herdamos de linguas perromanas, xermanas e árabes e que hoxe forman parte do léxico galego

Unha campaña de doazón de voz recollerá as variedades fonéticas e dialectais de Galicia

O obxectivo é acadar as máis de 1.000 horas de gravación precisas para que dispositivos como Siri, Alexa ou Google recoñezan as distintas cadencias lingüísticas

As 10 palabras do Nadal en galego que debes saber

Existen moitas expresións para referirnos aos enfeites, as tradicións ou o tempo. Descúbreas e engádeas ao teu vocabulario

Máis xornalismo e máis divulgación

Editorial de Gciencia polo seu décimo aniversario