A directora de Observer Science Tourism, Maite Vence, presentou onte no CiTIUS de Santiago de Compostela a nova plataforma incluída na páxina web da compañía. Esta ferramenta, a primeira deste segmento do turismo no ámbito internacional, baséase na interacción entre os destinos e os usuarios para ofrecer unha completa guía de diversos lugares de Galicia.
O traballo enmárcase no proxecto CONTUR 4.0, financiado polo IGAPE, e garante unha oferta de calidade baseada na valoración varios aspectos, como o patrimonio natural, as actividades turísticas que se poden desenvolver en cada territorio, a cualificación do persoal que atende ao usuario, a conservación da biodiversidade, a información específica sobre o destino e a oferta de restauración e aloxamento.
Nesta nova plataforma. o usuario, que poderá acceder e rexistrarse de maneira gratuíta, poderá encontrar información específica sobre Destinos de Ciencia, con xeolocalización segmentada de destinos de Turismo Científico por temáticas: astronomía, xeoloxía, botánica, historia, etc; información especializada sobre Destinos Científicos para optimizar decisións en base a criterios de calidade diferentes aos habituais.
Alén disto, Observer actúa ademais de canal agregador de actividades de Turismo Científico de calidade certificada: só traballa con provedores que cumpran uns estándares, baseados no propio selo de calidade Observer.
Entre os destinos incluídos na plataforma atópanse o Parque Nacional Illas Atlánticas, as montañas de Ancares e O Courel, varios museos científicos de Galicia
