Povisa pon en marcha un sistema de alertas para que os traballadores do hospital poidan dar aviso de incidencias aos servizos de seguridade
O sistema contra agresións vai ser instalado nos mil ordenadores que hai no hospital.

Un ‘botón do pánico’ para evitar agresións en hospitais

O hospital Povisa de Vigo está comezando a instalar un sistema de alertas para evitar posibles ameazas ou agresións aos profesionais do hospital, que calquera traballador pode activar no seu computador e que dispara un aviso aos servizos de seguridade.

Coñecido coloquialmente como “botón do pánico”, o sistema está operativo xa en cincuenta ordenadores do hospital e irase instalando progresivamente nos máis de 1.000 terminais que hai no centro. Os traballadores, que xa recibiron a formación sobre o sistema, só teñen que pulsar unha das teclas durante uns segundos, suficientes para que se active a alerta e que os efectivos de seguridade do centro interveñan.

Nos últimos tres anos houbo 33 agresións físicas e verbais aos profesionais do hospital

Todas as alertas considéranse reais e daráselle resposta no menor tempo posible, tanto por parte do Servizo de Seguridade do hospital como, se fose necesario, polas Forzas e Corpos de Seguridade públicos. Todas, tamén, e con independencia do seu maior ou menor gravidade, serán investigadas de oficio. Nos últimos tres anos rexistráronse 33 agresións aos profesionais do hospital, das cales só dúas foron físicas, e as demais en forma de ameazas e/ou insultos.

De todas elas, só 16 necesitaron da intervención das forzas de seguridade. Con todo, as agresións a persoal sanitario por parte de pacientes son un fenómeno crecente, ao que se tentou responder cun novo marco normativo, como a instrución 3/2017 da Secretaría de Estado de Seguridade, do Ministerio do Interior, pola que se crea a figura do Interlocutor Policial Sanitario, e desenvolvida en colaboración co Observatorio de Seguridade Integral en Centros Hospitalarios – OSICH- e o Colexio Médico.

Coa medida posta en marcha agora en Povisa, que mantén unha estreita colaboración co Interlocutor Policial Sanitario de Vigo (Casto García, Inspector Xefe da Unidade Territorial de Seguridade Privada da comisaría da Policía Nacional de Vigo), o hospital alíñase coa nova lexislación de seguridade e intensifica así a súa cooperación co Ministerio do Interior, reforzando a protección dos seus profesionais sanitarios. Povisa foi o primeiro hospital de España en dar de alta o seu departamento de seguridade no Ministerio do Interior no ano 2001.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.