A Intelixencia Artificial (IA) avanza a gran velocidade no recoñecemento de rostros e o tratamento das súas imaxes. Se a aplicación Face App sorprendeu a todos o pasado verán, tratando as nosas fotos para facernos parecer máis vellos, agora chega unha web que nos converte en cadros de museo.
A web xaponesa Ai-art.Tokio fai un escáner do rostro e logo emprega unha intelixencia artificial chamada Al Gahaku. Para que xere un resultado correcto, é necesario que a foto sexa o máis de fronte que sexa posible e que apareza unha única persoa. As imaxes que xera son un total de 10, todas son retratos pero con diferentes matices, como pintadas por diferentes artistas co estilo de Rembrandt, Velázquez ou Matisse.
Esta páxina foi lanzada por un desarrollador informático xaponés chamado Sato. Este creador xa fixera previamente outra web que tamén permitía transformar as túas fotos en retratos de pixelart, ao estilo dos gráficos e videoxogos dos 80 e 90, chamada Pixel-Me.Tokyo.
Agora, o novo proxecto tivo unha grande acollida nas redes sociais, onde milleiros de usuarios compartiron os seus retratos.
Ademais, tamén é posible empegar as fotos doutras persoas, como podemos ver nos personaxes galegos aquí utilizados.
E aquí podes acceder á web Art Tokio
