Mércores 21 Febreiro 2024

Os galegos aforran 81 millóns de euros en enerxía ao ano

Os galegos aforraron 81 millóns de euros en enerxía en 2013. Son datos da Consellería de Economía e Industria, grazas ao esforzó de familias, empresas e administración. As distintas actuacións levadas a cabo nos últimos anos diminuíron un 6% a intensidade enerxética de Galicia, o que supón que se necesita menos enerxía por cada millón de euros xerado do PIB galego.

O titular da consellería, Francisco Conde, destacou este mércores, durante a inauguración da xornada organizada polo Instituto Enrxético de Galicia (Inega) con motivo da celebración do Día Mundial da Eficiencia Enerxética, a importancia de promover actuacións que fomenten un uso racional da enerxía entre a cidadanía, as empresas, e a propia Administración.

Publicidade

Neste contexto, Conde relacionou a importancia da consecución desta rebaixa do 6% na intensidade enerxética coa “creación dunha conciencia colectiva de aforro”, que ten permitido obter os mesmos bens con menos consumo, manter a mesma ou maior calidade de vida dos servizos prestados, e a un prezo inferior.

Nesta aposta polo aforro e a eficiencia enerxética, sinalou o titular de Economía e Industria, o sector industrial desempeña un papel decisivo ao representar o 45% do consumo final de enerxía en Galicia. As empresas galegas contribuiron reducindo a súa factura enerxética nun 15%. Pola súa banda, o consumo das familias representa xa un 30% do consumo total da enerxía.

Galicia rebaixa nun 6% a súa intensidade enerxécita, segundo datos coñecidos no Día Mundial da Eficiencia

Sobre esta base, nos últimos anos o Inega promoveu entre a cidadanía distintas actuacións encamiñadas a mellorar a conciencia colectiva sobre a importancia de aforrar enerxía, e apoiar aos galegos na implantación deste tipo de medidas. Deste xeito, apuntou o conselleiro, desenvolvéronse programas para a substitución de farois ou equipos de climatización por outros máis eficientes, realizáronse máis de 3.000 inspeccións en instalacións térmicas de edificios, e puxéronse á disposición das familias distintas ferramentas para que coñezan o seu consumo e poidan implantar medidas de aforro e eficiencia.

En canto a propia Administración, Conde afirmóu que “ten a obriga de ser un exemplo que trace o camiño polo que debemos transitar”. Neste sentido, o Goberno galego está a desenvolver o Plan de aforro e eficiencia enerxética da Administración pública galega. A través desta estratexia desenvolvéronse xa actuacións de mellora da iluminación pública exterior en 170 municipios galegos, diminuíndo a factura eléctrica das zonas beneficiadas en máis dun 50%. Ademais, activouse a nova Rede de Enerxía de Galicia (Redexga), un pioneiro sistema co que Galicia aforrará 14 millóns na factura eléctrica dos próximos catro anos.

“Este traballo compartido entre familias, empresas e Administración pública xa está a ofrecer importantes resultados, permitíndonos aforrar nestes momentos 81 millóns ao ano”, destacou Conde. Unha cifra que, proseguiu, Galicia aspira a incrementar a través de novas medidas de eficiencia enerxética que permitan acadar un aforro económico de máis de 550 millóns de euros ata o ano 2020.

Todos estes datos que levan aparellado un claro beneficio ambiental, ao evitarse a emisión á atmosfera de máis de 310.000 toneladas de CO2 ao ano. “Camiñamos, así, cara ao desenvolvemento dunha economía verde que aproveita dun modo máis responsable e sostible os nosos recursos naturais”, apuntou o titular de Economía e Industria. Neste campo, desempeña un papel fundamental o impulso das fontes renovables, unha aposta na que a Xunta segue a traballar facendo este ano un esforzo especial no eido da biomasa. Así, estase a consensuar co sector unha estratexia integral de impulso da biomasa forestal con fins térmicos que suporá importantes melloras no medio rural beneficiando tanto á cidadanía, como á Administración pública e ás empresas galegas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A UVigo aplica un plan de medidas urxentes para reducir ata un 30% o consumo enerxético actual

A xestión da calefacción e da climatización e o axuste da iluminación son accións prioritarias

O cambio de hora aforrará un 0,4% en electricidade en Galicia

O Instituto Enerxético de Galicia (Inega) fai un cálculo do aforro enerxético do adianto dos reloxos e a chegada esta fin de semana do horario de verán

A Axencia Galega de Innovación financia oito proxectos para afrontar a crise da Covid-19

Oito proxectos de investigación con base en Galicia (seis de pequenas...

Unha exposición da Academia de Ciencias achega as melloras da Química á nosa vida diaria

A exposición "Química para un mundo mellor" poderá verse no claustro do Pazo de Fonseca de Santiago ata o vindeiro 30 de outubro