Venres 29 Marzo 2024

Oncomet comeza a selección de pacientes para investigar na biopsia líquida

O grupo de Oncoloxía Médica Traslacional (Oncomet) de Santiago de Compostela recibiu xa o visto e prace do Comité Ético de Investigación para comezar a recrutar pacientes no estudo que desenvolve, co obxectivo de validar novas técnicas de análise para a biopsia líquida. As mostras comezaranse a tomar no Complexo Hospitalario Universitario de Santiago (CHUS), e posteriormente iranse sumando outros hospitais galegos.

Os oncólogos ofrecerán aos pacientes de determinados tumores a posibilidade de participar na investigación. E, en caso de aceptar, tomaranse mostras de sangue para o seu estudo. Dependendo do tumor, poderanse obter varias mostras dunha mesma persoa ao longo do tratamento. Traballarase, principalmente, nos tumores de colon, pulmón, páncreas y melanoma. Desde Oncomet esperan poder estudar arredor de 500 mostras durante os vindeiros meses.

Publicidade

Oncomet sinala que a participación nas probas non suporá ningún cambio no tratamento

Desde o grupo de investigación sinalan que a participación nestas probas non suporá ningún cambio no tratamento do cancro, nin ningún beneficio a maiores de contribuír ao avance no coñecemento e manexo destas técnicas. Unha vez obtidos os resultados e as conclusións, Oncomet comunicará os resultados á comunidade científica e á sociedade galega.

Tal e como sinalan desde o equipo investigador, o traballo enmárcase dentro dun proxecto de investigación, non dun ensaio clínico nin unha proba diagnóstica que teña aplicacións clínicas de xeito inmediato. A previsión, indican, é que en dous anos se poidan obter os primeiros resultados do proxecto e que en clínica se poidan ver nun prazo de catro ou cinco anos.

Por outra banda, no marco do programa Principia da Axencia Galega de Innovación (Gain), Oncomet conta con dous novos contratos de investigación financiados por este organismo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

“Con suficiente investigación, a maioría dos cancros poderanse tratar na década de 2040”

Jesús Sánchez, responsable de proxectos na Fundación CRIS, asegura que as terapias CAR-T foron unha revolución no tratamento dos tumores do sangue

O disruptores endócrinos poden aumentar o risco de cancro de endometrio

Observada unha asociación entre as mesturas de contaminantes ambientais e a maior probabilidade de desenvolver este tumor

Galicia rexistra 16.000 novos casos de cancro e 8.000 mortes cada ano

A Fundación CRIS reúnese con Sanidade para solicitar unha maior cobertura aos pacientes oncolóxicos que requiren de medicamentos CAR-T

Galicia notifica 10 mortes ao día por consumo de tabaco

A investigadora da USC Julia Rey Brandariz constata na súa tese que a comunidade galega é a duodécima que máis falecementos rexistra por esta substancia