A Consellería de Sanidade revisará nos próximos días a restrición de comensais por mesa no ámbito da hostalaría, pero non a esixencia do certificado Covid para visitas a ingresados en centros hospitalarios e sociosanitarios, que a Xunta ve “correcta”.
O anunci, feito polo conselleiro Julio García Comesaña, garantiza que Galicia permanecerá como única comunidade autónoma con restriccións pola Covid-19, despóis de que Valencia e Canarias levantaran esta fin de semana as últimas pendentes, ademáis da mascara en interiores.
Visitas a ingresados
A Xunta comunicou o pasado venres, 25 de marzo, a prórroga até o 9 de abril a obrigación de presentar o certificado Covid de vacinación, recuperación ou proba diagnóstica negativa para visitar aos doentes ingresados nos centros hospitalarios e sociosanitarios, medida que conta co aval do Tribunal Superior de Xustiza de Galicia (TSXG).
Respecto diso, Comesaña defendeu como “correcta” esa medida en “ámbitos vulnerables” que “cada 15 días” require do aval do TSXG. “Non está a xerar ningún problema nas visitas”, apostilou, para lembrar que “Galicia distribuíu moitos certificados de vacinación”.
Hostalaría
Ademais, até as 00,00 horas dese 9 de abril tamén a Xunta mantén en Galicia a restrición na hostalaría do límite de comensais por mesa tanto en interior como en exterior, dez e 20 persoas, respectivamente. “É unha cuestión que revisaremos nos próximos días”, concluíu.
O conselleiro de Sanidade apelou pese a todo á “prudencia” e a “seguir vacinándose” os que aínda non recibiron as doses contra a Covid-19, ademais de apostar por “manter” as medidas de seguridade como o uso da máscara. Así, lembrou que se incrementaron os ingresos hospitalarios, aínda que matizou que “a metade ingresan con Covid e non por Covid”.
Así mesmo, incidiu en que Galicia “seguirá mantendo o sistema de monitorización de casos” e avisa de que, si é necesario “tomaranse medidas” si “algo pasa”.
