A Asociación de Mulleres Investigadoras e Tecnólogas en Galicia (AMIT-Gal) e a Oficina de Igualdade de Xénero da USC celebran este venres 1 de decembro a terceira edición da xornada Mulleres na ciencia. Terá lugar na Aula Magna da Facultade de Matemáticas.
O encontro contará coa participación de Marta Macho Stadler, profesora de Xeometría e Topoloxía na Universidade do País Vasco e divulgadora científica co blog Mujeres con ciencia. Desde hai anos participa en actividades a prol da visibilización das mulleres nas matemáticas e a tecnoloxía. Por este labor recibiu en 2015 o Premio Igualdade da Universidad de Alicante. A continuación da charla terá lugar a asemblea de AMIT-gal.
Para participar na xornada, que é gratuíta, é preciso inscribirse antes deste xoves 30 ás 12 horas. Podes consultar toda a información sobre o encontro nesta ligazón.
