Un galego «reinventa» o volante
O volante do futuro será practicamente igual na forma, pero non no fondo. Terá o mesmo deseño esférico que hoxe coñecemos, pero non servirá para conducir, senón que se converterá no auténtico control universal de mando dun coche. Polo menos esta é a proposta concibida por Fernando Ponche Lens, estudante da Escola de Deseño Industrial da Universidade da Coruña, no campus de Ferrol. Un concepto innovador co que gañou en España o concurso Reinventando o volante, convocado por Ford e a revista especializada Neo2.