Venres 29 Marzo 2024

Tres novos catedráticos toman posesión na Universidade da Coruña

O reitor da Universidade da Coruña, Julio Abalde, presidiu onte, mércores, 14 de decembro, o acto de toma de posesión de tres novos catedráticos, logo de que cumpriran con todos os pasos requiridos para a súa promoción nun longo proceso iniciado en 2011 dificultado pola taxa de reposición existente.

Abalde manifestou a súa satisfacción pola incorporación de tres novos catedráticos “a unha universidade que necesita da súa aportación”. Insistiu na aposta polo plantel de profesorado e do persoal de administración e servizos tanto do seu equipo de goberno como dos anteriores, xa que é “onde está o talento” e animou aos novos catedráticos a seguir cos seus proxectos docentes e de investigación.

Publicidade

O novo catedrático José María Cardesín Díaz pertence á área de coñecemento de Historia do Pensamento e dos Movementos Sociais e Políticos, do departamento de Socioloxía e Ciencia Política e da Administración. María del Carmen Ramírez Gómez é catedrática da área de coñecemento de Física Aplicada, do departamento de Física e a catedrática Mercedes González Sanmamed pertence á área de coñecemento de Didáctica e Organización Escolar do departamento de Pedagoxía e Didáctica da Universidade da Coruña.

Os novos catedráticos agradeceron o apoio tanto do actual reitor, Julio Abalde, como do anterior, Xosé Luís Armesto, e comprometéronse a seguir traballando na mesma liña.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A toxoplasmose é un factor de risco para o envellecemento inflamatorio nos maiores

Un estudo da UDC demostra que as persoas cunha resposta de anticorpos máis forte á infección tiñan máis probabilidades de ser fráxiles

Dez anos de xornalismo e divulgación

O reitor da UDC, Julio Abalde, salienta o papel de Gciencia como impulsor da divulgación científica en Galicia nos últimos 10 anos

A UDC coordina o primeiro sensor automático en detectar zoonoses a escala mundial

O proxecto está liderado polo grupo do investigador Alejandro Criado. Chámase FLUFET e identifica un amplo espectro de obxectivos virais

Os investigadores galegos da trama saudita cobraron da empresa do intermediario dos árabes

Os dous empregados do Centro da Carne, cunha desenfreada produción científica, inscribíronse na universidade Rei Abdulaziz pese a desenvolver a súa carreira en Galicia