O Labcom da Coruña analizará o combustible das 650 gasolineiras de Galicia

O Laboratorio de Combustibles da Universidade da Coruña, situado no Centro de Investigación e Transferencia (CIT) no Campus de Ferrol, encargarase de analizar e de facer o control de calidade dos produtos petrolíferos galegos, como vén facendo con rigorosidade nos últimos anos, logo de que se ratificase o acordo entre a UDC e a Consellería de Economía, Emprego e Industria.

O pasado venres, o reitor, Julio Abalde, e o vicerreitor de Política Científica, Investigación e Transferencia, Salvador Naya, amosaron ao director Xeral de Enerxía e Minas, Ángel Bernardo Tahoces, as instalacións do CIT, deténdose no Laboratorio de Combustibles (Labcom), que dirixe a profesora Coro Fernández Feal.

O convenio subscrito polo reitor e o conselleiro Francisco Conde, estipula un investimento conxunto de máis de 300.000 euros que permitirá manter o control sobre os produtos petrolíferos á venda da Comunidade. Realizaranse unha media de 800 análises ao ano de gasolinas, gasóleos, fuelóleos, gases licuados do petróleo (butano e propano) e gas natural de mostras recollidas nas 650 gasolineiras inscritas operativas en Galicia. O Labcom da Universidade da Coruña é o único laboratorio en Galicia que conta coa acreditación ENAC para a realización de ensaios de produtos petrolíferos o que indica o grao de profesionalización do seu persoal ademais das adecuadas instalacións ao efecto.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.