O profesor de Fïsica Teórica da USC José Edelstein presenta esta noite en Pontevedra o seu novo libro Einstein para perplejos. Nel percorre a vida do xenial científico, amosando o contexto histórico e intelectual no que Einstein desenvolveu a súa traxectoria, así como o legado que deixou tras a súa morte. A cita será na libraría Cronopios ás 19.30 horas, e continúa coa serie de presentacións realizadas en Galicia e España.
O libro está escrito tamén polo chileno Andrés Gomberoff. Edelstein e Gomberoff xa publicaran en 2014 Antimateria, magia y poesía, o primeiro dos volumes da biblioteca de divulgación científica da USC, e que recibiu o galardón ao mellor libro de divulgación nos premios nacionais de Edición Universitaria en 2014.
Alén da súa destacada traxectoria investigadora, José Edelstein participa activamente na divulgación da Física. Así, recibiu numerosos recoñecementos por parte do Centro Español de Física de Partículas ou a Fecyt, entre outros galardóns.
Aquí podes ler a entrevista con Edelstein con motivo da publicación do seu libro Antimateria, magia y poesía:
ciencia/hay-poesia-fisica-edelstein/
