O Centro de Investigacións Biomédicas (CINBIO) da Universidade de Vigo e GCiencia comezan este martes 1 de xuño #ConversasCINBIO, un ciclo de entrevistas con científicas e científicos do centro que se desenvolverá durante os cinco martes deste mes. Varios membros do persoal investigador do centro achegarán ao público o traballo que desenvolven.
O primeiro encontro será con Miguel Ángel Correa Duarte, director do CINBIO desde outubro de 2019 e líder do grupo de investigación TeamNanoTech. Miguel Correa Obtivo grao de doutor en Química pola Universidade de Vigo en 2002. Tras este período realizou estadías de posdoutoramento en CAESAR (Alemaña) e Arizona State University (EUA). Na actualidade ocupa unha praza de profesor titular no Departamento de Química Física da Universidade de Vigo.
