Despois dunha fin de semana con temperaturas mesmo elevadas para a época do ano, por riba dos 30ºC en zonas do val do Miño en Ourense e Pontevedra, Galicia vivirá nas últimas horas do luns un episodio de fortes tormentas, que mesmo levaron ás axencias de meteoroloxía a lanzar avisos por fenómenos adversos. A presenza de aire cálido en superficie, en contacto con masas de aire frío en altura procedentes dunha borrasca situada no Atlántico desencadeará treboadas que mesmo poden xerar complicacións e riscos nas horas indicadas este serán para o paseo e o deporte, en aplicación das medidas actuais do estado de alarma debido á pandemia da Covid-19. MeteoGalicia informa dun aviso de nivel amarelo no leste da provincia de Lugo entre as 15 e as 21 horas do luns por tormentas que poden deixar chuvascos puntualmente fortes.
Bos días! #Galicia comeza esta semana con inestabilidade atmosférica🌩️debido á presenza dunha baixa ao oeste de #Portugal con aire frío en altura. A probabilidade de chuvascos puntualmente fortes🌦️aumentará co avance do día e temperaturas en descenso. #FelizSemana pic.twitter.com/rVvGnLvPaV
— MeteoGalicia (@MeteoGalicia) May 4, 2020
Pola súa parte, a Axencia Estatal de Meteoroloxía estende o nivel amarelo por refachos de vento de máis de 80km/h ás provincias de Pontevedra e A Coruña e leste de Ourense. Do mesmo xeito, advirte que no leste de Lugo as tormentas poden traer con elas saraibadas intensas.
04/05 15:12 #AEMET actualiza #FMA en Galicia. Activos HOY. Nivel máx amarillo. Imagen del mapa de avisos en vigor a las 15:12 . Para ver una tabla de avisos actualizada haga CLIC EN LA IMAGEN o visite https://t.co/Mw1O1wz2vE https://t.co/wlVXdHP0M0
— AEMET_Galicia (@AEMET_Galicia) May 4, 2020
