As oposicións a Educación xa teñen data: serán a partir do vindeiro 19 de xuño, despois de que foran canceladas na convocatoria do ano 2020, por mor das restricións da pandemia.
Tras a reunión semanal do Goberno galego, o presidente da Xunta, Alberto Núñez Feijóo, sinalou que para cumprir os protocolos de seguridade aumentados pola pandemia, aumentarase o número de tribunais, que serán máis do dobre que en anteriores convocatorias, ao pasar dos 163 do 2019 a 359 neste 2021.
Publicidade
A Xunta agarda unha cifra entre “26.000 e 27.000 participantes“, o que supón que haberá unha praza dispoñible por cada 9 opositores. A convocatoria deste ano é a segunda con maior número de prazas desde 2007, cando se puxeron sobre a mesa 3.125.
